Yo‘llarda YPX xodimlari tomonidan tekshiruvlar davomida:

- 2022-yil 12-mart kuni soat 03.30 larda Yakkasaroy tumaniga xizmatga jalb qilingan YPX inspektorlari A.Toshboyev, J.Iskandarov va U.Bozorovlar tomonidan, Yakkasaroy tumani Kichik Halqa yo‘li ko‘chasidan harakatlanib kelayotgan, "Lacetti" rusumli, avtomobil to‘xtatilib tekshirilganda, avtomobilning bar qismidan selofan paketga o‘ralgan har xil shpris qoldiqlari va yo‘lovchi, 2003-yilda tug‘ilgan K.Samiyevaning cho‘ntagidan jigar rangli, o‘tkir hidli, kukunsimon modda topilib, xolis va guvohlar ishtirokida olingan.

Mazkur holat yuzasidan tegishli xujjatlar rasmiylashtirilib, fuqaro A.K. va K.S.lar hamda aniqlangan moddalar Yakkasaroy tumani IIOFMB topshirilgan.

- 2022-yil 12-mart kuni soat 23:25 larda Bektemir tumanida joylashgan “Bektemir” YPX maskanida xizmat olib borayotgan, YPX inspektorlari Sh.Xolnazarov va I.Mambetovlar tomonidan, Toshkent viloyatidan poytaxtga kirib kelayotgan, "Nexia-2" rusumli, avtomobil to‘xtatilib tekshirilganda, ushbu avtomobil yo‘lovchisi, 1987-yilda tug‘ilgan, D.X.ning cho‘ntagidan jigar rangli, o‘tkir hidli, saqichsimon modda topilib, xolis va guvohlar ishtirokida olingan.

Mazkur holat yuzasidan tegishli xujjatlar rasmiylashtirilib, haydovchi D.X.va aniqlangan modda Bektemir tumani IIO FMBga topshirilgan.

- 2022-yil 13-mart kuni soat 00:20 larda Bektemir tumanida joylashgan “Sharq” YPX maskanida xizmat olib borayotgan YPX inspektori B.Nugmonov va N.Dosimovlar tomonidan Toshkent viloyatidan, poytaxtga kirib kelayotgan, "Lacetti" rusumli avtomobil to‘xtatilib tekshiriilganda, haydovchining yonidan 1 dona, qora rangli, o‘tkir hidli, saqichsimon modda topilib, xolis va guvohlar ishtirokida olingan.

Mazkur holat yuzasidan tegishli xujjatlar rasmiylashtirilib, haydovchi A.Sh. va aniqlangan modda Bektemir tumani IIOFMBga topshirilgan.

Tekshiruvlar davom etmoqda...