Hududlarda YHXB xodimlari hamda shahar-tuman ichida va viloyatlararo qatnovchi, yo‘lovchi va yuk tashuvchi haydovchilar bilan uchrashuvlar o‘tkazilib, tushuntirish ishlari olib borilmoqda.

Suhbat davomida qoidalar yuzasidan qisqa savol-javoblar bo‘lib, haydovchilarga so‘nggi o‘rnatilgan tartib hamda yangiliklar yetkazilmoqda. Shuningdek, yo‘lovchilarni tashish o‘ta mas’uliyatli vazifa ekanligi, haydovchi qoidaning har bir bandiga rioya etishi, uzoq masofaga harakatlanganda o‘z vaqtida dam olishi kerakligi, ob-havo sharoitini doim inobatga olinishi, yuk tashishda me’yorlarga rioya qilinishi zarurligi ta’kidlanmoqda.

Maqsad — yo‘llarda ko‘ngilsiz hodisalarning oldini olishdir!

Barcha haydovchilardan — yo‘llarda qoidalarga rioya qilishlari va ehtiyotkor bo‘lishlarini so‘raymiz!