Hududiy YHXB xodimlari reja-dastur asosida, bosqichma-bosqich IIV YHXBBda o‘quv mashg‘ulotlarida ishtirok etib, sohaga oid so‘nggi xabar va yangiliklar bilan tanishib bormoqdalar. O‘quv jarayonlarining bugungi rejasiga ko‘ra, xodimlar viloyatlarga qatnovchi haydovchilar bilan suhbatlashish maqsadida poytaxtdagi avtobekatlarga tashrif buyurdilar.

Suhbat davomida qoidalar yuzasidan qisqa savol-javoblar ham bo‘lib o‘tdi. Haydovchilarga so‘nggi o‘rnatilgan tartib hamda yangiliklar yetkazildi. Shuningdek, yo‘lovchilarni tashish o‘ta mas’uliyatli vazifa ekanligi, haydovchi qoidaning har bir bandiga rioya etishi, uzoq masofaga harakatlanganda o‘z vaqtida dam olishi kerakligi, ob-havo sharoitini doim inobatga olish zarurligi ta’kidlanib o‘tildi.

Maqsad — yo‘llarda ko‘ngilsiz hodisalarning oldini olishdir!