2022-yil 17-may kuni Samarqand viloyati, Urgut tumanida xizmat olib borgan YPX va boshqa sohaviy xizmat xodimlari hamkorligidagi reyd davomida haydovchi, 1996-yilda tugʻilgan A.I. boshqaruvidagi “Nexia” rusumli avtomobil toʻxtatilib tekshirilganda, salonda boʻlgan yoʻlovchi, 1997-yilda tugʻilgan U.O. xodimlarda shubha uygʻotgan. Xolis va guvohlar ishtirokidagi tekshiruv davomida ushbu fuqaroga tegishli kiyimning choʻntagidan sellofanga oʻralgan, jigar rangli, oʻtkir hidli, saqichsimon modda topilgan.

Holat yuzasidan tegishli hujjatlar rasmiylashtirilib, fuqaro U.O. va topilgan modda tuman IIBga topshirilgan.

Viloyat IIB EKBning xulosasiga koʻra, ushbu modda “opiy” giyohvandlik vositasi boʻlib, sof vazni 43,52 gr.ni tashkil etishi maʼlum boʻlgan.

Yoʻllarda tekshiruvlar davom etmoqda...