2022-yil 21-yanvar kuni soat 22:30 larda, Bektemir tumanida joylashgan “Sharq” YPX maskanida xizmat olib borayotgan YPX xodimi N.Dusimov tomonidan ushbu maskandan harakatlanib oʻtayotgan, Toshkent viloyatidan poytaxtga kelayotgan “Cobalt” rusumli avtomobil toʻxtatilib tekshirilganda, salonda boʻlgan yoʻlovchi, 1982-yilda tugʻilgan M.T. turli xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruv davomida fuqaro M.T. ning yonidan sellofanga oʻralgan, jigar rangli, oʻtkir hidli, saqichsimon modda topilgan.

Holat tegishli tartibda rasmiylashtirilib, fuqaro M.T. va topilgan modda tuman IIO FMBga topshirilgan.

Tekshiruvlar davom etmoqda.