Toshkent shahrida yo‘nalishli transport vositalarining to‘siqsiz harakatlanishini ta’minlash maqsadida tashkil etilgan tasmada qoidalarni buzgan holda transport vositasini to‘xtatgan haydovchilarga nisbatan YPX xodimlari tomonidan o‘rnatilgan tartibda chora ko‘rilmoqda.

Qoidalarga ko‘ra, yo‘nalishli transport vositalarining harakatlanishi uchun 5.9, 5.10.1 — 5.10.3 yo‘l belgilari bilan ajratilgan tasmada boshqa transport vositalarining harakatlanishi va to‘xtashi taqiqlanadi.

Agar 5.9 yo‘l belgisi bilan belgilangan tasma qatnov qismining boshqa tasmalardan uzuq-uzuq chiziq bilan ajratilgan bo‘lsa, burilmoqchi bo‘layotgan transport vositalari bu tasmaga qayta tizilishlari kerak.

Shuningdek, bunday joylarda yo‘nalishli transport vositalarining harakatiga xalaqit bermaslik sharti bilan yo‘lga chiqish, qatnov qismining chetki o‘ng tomonida yo‘lovchilarni chiqarish va tushirish uchun bu bo‘lakka o‘tishga ruxsat etiladi.