Buxoro viloyati, Peshku tumani, Afshona qishlogʻida yashovchi 1983-yilda tugʻilgan O.A. haydovchilik guvohnomasisiz avtomobil boshqarib, yoʻl harakati qoidabuzarligini sodir etganligi holati yuzasidan maʼmuriy bayonnoma rasmiylashtirmaslik va avtomobilini jarima maydonidan chiqarib berish evaziga YPX xodimiga 1,5 mln soʻm pora taklif qilgan.

Oʻzbekiston Respublikasi IIV SHXBB viloyat boshqarmasi hamda Departamentning viloyat boshqarmasi xodimlari hamkorligida oʻtkazilgan tezkor tadbir davomida tuman IIB YHXB maʼmuriy binosi oldidagi jarima maydonida fuqaro O.A. YPX xodimiga 1,5 mln soʻm pullarni pora tariqasida bergan vaqtida ashyoviy dalillar bilan qoʻlga olingan.

Mazkur holat yuzasidan Oʻzbekiston Respublikasi JKning 211-moddasi 1-qismi bilan jinoyat ishi qoʻzgʻatilib, hozirda dastlabki tergov harakatlari olib borilmoqda.