Joriy yilning 17-iyun kuni soat 17:50 larda Bektemir tumaniga xizmatga jalb etilgan YPX inspektori, safdor O.Mamatqulov tomonidan, Bektemir tumani “TXAY” koʻchasi boʻylab harakatlanib kelayotgan, “Neksiya” rusumli avtomobil toʻxtatilib, planshet orqali tekshirilgan. Tekshiruv natijasiga koʻra, ushbu avtomobil haydovchisi: 1982-yilda tugʻilgan Andijon viloyati, Paxtaobod tumanida roʻyxatda turuvchi Gʻ.B. Oʻzbekiston Respublikasi Jinoyat kodeksining 228-moddasi 1-qismi bilan ayblanib, Andijon viloyati IIB tomonidan qidiruvda ekanligi aniqlangan.

Shundan soʻng fuqaro Gʻ.B. ga nisbatan tegishli hujjatlar rasmiylashtirilib, Toshkent shahar Bektemir tumani IIO FMBga topshirilgan.