2024-yil 18-dekabr kuni soat 13:00 larda “Namangan” YPX maskanida YHXX “Qamchiq” dovoni boʻyicha YPX otryadi xodimlari tomonidan haydovchi, 1982-yilda tugʻilgan O.M. boshqaruvidagi “BYD” rusumli avtomobil toʻxtatilib, xolis va guvohlar ishtirokida tekshirilganda, transport vositasining salonida va yukxonasida 90 blok “Бритник”, 48 blok “Трения”, 5 ta “Королевский салют” va 80 ta “7 Shots” nomli pirotexnika vositalari olib ketilayotganligi aniqlangan.

Shu kuni soat 16:30 larda YPX xodimlari tomonidan haydovchi, 1994-yilda tugʻilgan X.X. boshqaruvidagi “Isuzu” rusumli yuk avtomobili toʻxtatilib, xolis va guvohlar ishtirokida tekshirilganda, yukxonasida 179 blok “Британик”, 380 blok “Трения” va 35 ta “Волк” nomli pirotexnika vositalari olib ketilayotganligi aniqlangan.

Holatlar tegishli tartibda rasmiylashtirilib, haydovchilar va aniqlangan pirotexnika vositalari Pop tumani IIBga topshirilgan.

Yoʻllarda tekshiruvlar davom etmoqda...