Test rejimida

Xabarlar

YPX xodimlarida shubha uygʻotgan yoʻlovchining yonidan giyohvandlik moddasiga oʻxshash modda chiqdi

2024-yil 13-dekabr kuni soat 21:05larda Samarqand viloyati, Urgut tumani hududida joylashgan “Omonqoʻton” YPX maskanida xizmat olib borayotgan YPX xodimlari tomonidan “Cobalt” rusumli avtomobil toʻxtatilib, haydovchining hujjatlarini koʻzdan kechirish jarayonida salonda boʻlgan yoʻlovchi oʻzining koʻrinishi va turli xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruv davomida yoʻlovchining yonidan sellofanga solingan oʻtkir hidli, yashil rangli, koʻrinishidan giyohvandlik moddasiga oʻxshash modda topilgan.

Holat yuzasidan belgilangan tartibda hujjatlar rasmiylashtirilib, topilgan modda hamda avtomobilda boʻlgan shaxslar Urgut tumani IIBga topshirilgan.

Yoʻllarda tekshiruvlar davom etmoqda…