2024 йил 13 декабрь куни соат 21:05ларда Самарқанд вилояти, Ургут тумани ҳудудида жойлашган "Омонқўтон" ЙПХ масканида хизмат олиб бораётган ЙПХ ходимлари томонидан "Cobalt" русумли автомобиль тўхтатилиб, ҳайдовчининг ҳужжатларини кўздан кечириш жараёнида салонда бўлган йўловчи ўзининг кўриниши ва турли хатти-ҳаракатлари билан ходимларда шубҳа уйғотган. Холис ва гувоҳлар иштирокидаги текширув давомида йўловчининг ёнидан целлофанга солинган ўткир ҳидли, яшил рангли, кўринишидан гиёҳвандлик моддасига ўхшаш модда топилган.

Ҳолат юзасидан белгиланган тартибда ҳужжатлар расмийлаштирилиб, топилган модда ҳамда автомобилда бўлган шахслар Ургут тумани ИИБга топширилган.

Йўлларда текширувлар давом этмоқда…