2022-yil 21-aprel kuni soat 22:30 larda, Samarqand viloyati, Bulungʻur tumani hududidan oʻtgan M-39 avtomobil yoʻlining 1039-kilometrida joylashgan “Yuqori nuqta” YPX maskanida xizmat olib borayotgan YPX xodimi Z.Rasulov tomonidan “Termiz-Toshkent” yoʻnalishida harakatlanib kelgan “Lacetti” rusumli avtomobil toʻxtatilib tekshirilganda, transport vositasining salonida, qafasga solingan, “Qizil kitob”ga kiritilgan boʻrsiq hech qanday asosli hujjatlarsiz olib ketilayotganligi aniqlangan.

Holat boʻyicha tegishli hujjatlar rasmiylashtirilib, haydovchi va olib ketilayotgan hayvon tuman IIBga topshirilgan.

Tekshiruvlar davom etmoqda...