2023-yil 21-fevral kuni soat 22:00 larda Samarqand viloyati, Bulungʻur tumani hududidan oʻtuvchi M-39 avtomobil yoʻlining 1039-kilometrida joylashgan “Yuqori nuqta” YPX maskanida xodimlar tomonidan “Lacetti” rusumli avtomobil toʻxtatilgan. Haydovchi bilan oʻzaro muloqot jarayonida avtomobil salonida boʻlgan yoʻlovchining koʻrinishi va turli xatti-harakatlari xodimlarda shubha uygʻotgan. Xolis va guvohlar ishtirokidagi tekshiruv davomida yoʻlovchi, 1974-yilda tugʻilgan A.R.ning yonidan qogʻozga oʻralgan, yashil rangli, oʻtkir hidli giyohvandlik moddasiga oʻxshash oʻsimlik topilgan.

Holat rasmiylashtirilib, fuqaro A.R. va topilgan modda Bulungʻur tumani IIBga topshirilgan.

Yoʻllarda tekshiruvlar davom etmoqda...