2023 йил 21 февраль куни соат 22:00 ларда Самарқанд вилояти, Булунғур тумани ҳудудидан ўтувчи М-39 автомобиль йўлининг 1039-километрида жойлашган “Юқори нуқта” ЙПХ масканида ходимлар томонидан "Lacetti" русумли автомобиль тўхтатилган. Ҳайдовчи билан ўзаро мулоқот жараёнида автомобиль салонида бўлган йўловчининг кўриниши ва турли хатти-ҳаракатлари ходимларда шубҳа уйғотган. Холис ва гувоҳлар иштирокидаги текширув давомида йўловчи, 1974 йилда туғилган А.Р.нинг ёнидан қоғозга ўралган, яшил рангли, ўткир ҳидли гиёҳвандлик моддасига ўхшаш ўсимлик топилган.

Ҳолат расмийлаштирилиб, фуқаро А.Р. ва топилган модда Булунғур тумани ИИБга топширилган.

Йўлларда текширувлар давом этмоқда...