Ijtimoiy tarmoqda "Karantin qoidalarini bajarishga majbur bo‘lmagan YPX xodimi" hamda “Jizzaxda YPX xodimlariga qonun o‘qitilganmi?” sarlavhasi ostida tarqalgan videolar yuzasidan Jizzax viloyati IIB YHXB mas’ul xodimi tomonidan xizmat tekshiruvi o‘tkazilayotganligi haqida ma’lumot berilgan edi.

Xizmat tekshiruvi xulosasiga ko‘ra, YPX xodimi A.Norqulov tomonidan haydovchi Sh.F.ga nisbatan "Spark" rusumli avtomobilda 1.1 yo‘l yotiq chizig‘ini bosib harakatlanganligi bo‘yicha rasmiylashtirilgan bayonnoma asosli deb topilib, haydovchi bilan o‘zaro muloqot vaqtida O‘zbekiston Respublikasi Vazirlar Mahkamasining 2018-yil 1-dekabrdagi 975-son qarori bilan tasdiqlangan "Yo‘l-patrul xizmati xodimlarining yo‘l harakati qatnashchilari bilan o‘zaro munosabatlari hamda maxsus moslamalardan foydalanishi tartibi to‘g‘risidagi Nizom"ning ayrim talablarini buzganligi uchun Jizzax viloyati IIB YHXB YPX xodimi A.Norqulovning xatti-harakati viloyat IIB "Intizomiy kengashi"da ko‘rib chiqilishi belgilandi.