Жорий йилнинг 29 январь куни соат 20:00ларда, Тошкент шаҳар, Миробод тумани, Шаҳрисабз ва Тарас Шевченко кўчалари кесишган чорраҳада, ҳайдовчи, 1954 йилда туғилган Г.Р. бошқарувидаги "Спарк" русумли ҳамда ҳайдовчи, 1996 йилда туғилган И.Қ. бошқарувидаги "Лабо" русумли транспорт воситалари иштирокида тўқнашув содир бўлган.

Тўқнашув натижасида тан жароҳати олганлар йўқ.

Мазкур ЙТҲ юзасидан Миробод тумани ИИО ФМБ ЙҲХБ томонидан суриштирув ишлари олиб борилиб, ҳодиса сабабларига аниқлик киритилмоқда.

Барча ҳайдовчилардан белгиланган қоидаларга риоя қилишларини, қоидаларни четлаб ўтиб ўзи ва ўзгалар саломатлигини хавф остига қўймасликларини сўраб қоламиз.

Ўзбекистон Республикаси ИИВ ЙҲХББ Ахборот хизмати