2026-yil 5-may kuni soat 16:25 larda Toshkent shahri Mirzo Ulug‘bek tumanida, M. Ulug‘bek ko‘chasi bo‘ylab harakatlanib kelayotgan "Equinox" rusumli avtomobilning 73 yoshli haydovchisi sog‘ligi yomonlashib boshqaruvni yo‘qotganligi sababli, svetoforning qizil chirog‘ida to‘xtab turgan bir nechta avtomobillarga urilib to‘qnashuv sodir etgan.

Hodisa oqibatida hech kim vafot etmagan. 15 ta transport vositalari texnik shikastlangan. "Equinox" haydovchisi tan jarohati bilan shifoxonaga yetkazilgan.

Mazkur holat bo‘yicha Toshkent shahar IIBB JXX YHXB mas’ul xodimlari tomonidan surishtiruv harakatlari olib borilmoqda.

Barcha haydovchilardan qoidalarga rioya qilishlarini va betob holda transport vositasini boshqarmasliklarini so‘raymiz.