Joriy yilning 30 iyul kuni soat 10:45 larda Qashqadaryo viloyati, Qarshi shahar, Mustaqillik shoh ko‘chasida "Nexia" rusumli avtomobilda yong‘in yuzaga kelgan.

Haydovchi avtomobilni to‘xtatgan. Yong‘in o‘t o‘chiruvchilar tomonidan bartaraf etilgan.

Yong‘in natijasida kuyish tan jarohati olganlar yo‘q. Avtomobilga zarar yetgan.

Hodisa yuzasidan shahar FVB va IIB YHXB xodimlari tomonidan surishtiruv olib borilmoqda.

Barcha haydovchilardan boshqaruvidagi transport vositasining texnik sozligiga e’tiborli bo‘lishlarini so‘raymiz.