2022-yil 1-noyabr kuni Oʻzbekiston Respublikasi IIV JXD YHXX boshligʻi va Tez tibbiy yordam xizmati markazi rahbari hamda Oʻzbekiston Respublikasi Sogʻliqni saqlash vazirligi avtotransport boʻlimi masʼul xodimlari ishtirokida tez tibbiy yordam avtomobillarining maxsus foto-video fiksatsiya moslamari orqali qayd etilgan yoʻl harkati qoidalarini buzish holatlari boʻyicha kelib chiqayotgan muammolarni bartaraf etish yuzasidan uchrashuv tashkil etilib, ishchi guruhi tuzilgan.

Tez tibbiy yordam avtomobilining haydovchisi Yoʻl harakati qoidalarining 25-bandi asosida belgilangan tartibda ayrim qoidalarning talablaridan chetga chiqishi mumkin. Bunday holatda maxsus kameralar orqali avtomobil qayd etilgan taqdirda kechiktirib boʻlmaydigan xizmat vazifalarini bajarganlikni tasdiqlovchi hujjatlar taqdim etilganda haydovchilarning maʼmuriy qoidabuzarligi oxirgi zarurat holatlarida sodir etilgan deb topiladi va maʼmuriy ish ushbu Kodeksning 271-moddasiga muvofiq tugatiladi.

Hozirda, ijtimoiy tarmoqda tarqalgan video batafsil oʻrganilmoqda. Natijasi boʻyicha qoʻshimcha maʼlumot beriladi.