Joriy yilning 16-17 dekabr kunlari A-373 “Toshkent-Oʻsh” avtomobil yoʻlining “Qamchiq” dovoni qismida qish mavsumida yuzaga kelishi mumkin boʻlgan favqulodda vaziyatlarning oldini olish va oqibatlarni bartaraf etish boʻyicha oʻtkazilgan qoʻmondonlik-shtab oʻquv mashqi oʻz yakuniga yetdi.

Mazkur oʻquv mashqlarida FVDT rahbarlar tarkibi kuch va vositalarining favqulodda vaziyatlarni oldini olish va oqibatlarni bartaraf etishdagi harakatlari baholandi. Dovon yoʻlida xizmat olib boruvchi YHXX xodimlari ham oʻquv-mashqlarida faol ishtirok etishdi. Oʻzbekiston Respublikasi Favqulodda vaziyatlar vaziri A.Qoʻldoshev “Qamchiq” dovonida mavsumni betalofat oʻtkazish boʻyicha masʼul tashkilotlarga zarur tavsiya va koʻrsatmalarni berdi.